Roko + Actara + Humic Acid Drenching Kit

▸ Roko: यामध्ये थायोफिनेट मिथाईल ७०% डब्ल्यूपी हा बुरशीनाशक घटक असतो.
▸ Actara: यामध्ये थायामेथोक्साम २५% डब्ल्यूजी हा कीटकनाशक घटक असतो.
▸ Humic Acid: यामध्ये ह्युमिक ॲसिड (प्रामुख्याने ९८% किंवा ९५%) हा सेंद्रिय घटक असतो.

▸ थायोफिनेट मिथाईल : बेंझिमिडाझोल गट.
▸ थायामेथोक्साम : निओनिकोटिनॉइड गट.

▸ Roko हे आंतरप्रवाही बुरशीनाशक आहे.
▸ Actara हे आंतरप्रवाही कीटकनाशक आहे.

▸ Roko (Thiophanate Methyl 70% WP) :
रोको आळवणीद्वारे दिल्यानंतर यातील 'थायोफॅनेट मिथाईल' हा घटक मुळांद्वारे शोषला जातो आणि झाडाच्या सर्व भागांत पसरतो. हे बुरशीच्या पेशी विभाजनाच्या प्रक्रियेत अडथळा आणून तिची वाढ थांबवते. हे प्रामुख्याने मर (Wilt), मुळकुज आणि खोडकुज यांसारख्या जमिनीतून पसरणाऱ्या बुरशीजन्य रोगांच्या प्रतिबंधात्मक आणि उपचारात्मक नियंत्रणासाठी अत्यंत उपयुक्त आहे.

▸ Actara (Thiamethoxam 25% WG) :
आळवणीनंतर हे कीटकनाशक मुळांद्वारे शोषले जाऊन प्रणालीगत (Systemic) पद्धतीने संपूर्ण झाडामध्ये पसरते. 'थियामेथोक्झाम' हा घटक कीटकांच्या मज्जासंस्थेतील निकोटिनिक ॲसिटिलकोलीन रिसेप्टर्सवर (nAChR) परिणाम करतो. यामुळे कीटक खाणे बंद करतात, त्यांची हालचाल थांबते व शेवटी त्यांचा मृत्यू होतो. हे प्रामुख्याने सुरुवातीच्या काळातील रसशोषक कीटक आणि जमिनीतील कीटकांच्या नियंत्रणासाठी प्रभावी आहे.

▸ Humic Acid (Potassium Humate 98%) :
हे सेंद्रिय जैव-उत्तेजक असून जमिनीचा पोत सुधारण्याचे काम करते. आळवणीनंतर हे पांढऱ्या मुळांची संख्या वाढवण्यास मदत करते, ज्यामुळे झाड जमिनीतील खते आणि पाणी अधिक वेगाने शोषू शकते. हे मातीतील उपयुक्त सूक्ष्मजीवांच्या वाढीला चालना देते आणि झाडाला प्रतिकूल परिस्थितीत तग धरण्याची शक्ती प्रदान करते, ज्यामुळे झाडाची वाढ जोमदार होते.

▸आळवणीद्वारे एकत्र वापरावे.

वापरण्याचे प्रमाण (प्रती लीटर पाणी):
▸Roko: 1 to 1.5 ग्रॅम
▸Actara: 0.5 ग्रॅम
▸Humic Acid: 1 to 2 ग्रॅम

एका पंपासाठी प्रमाण (15 लीटरचा पंप):
▸Roko: 15 to 22 ग्रॅम
▸Actara: 7.5 ग्रॅम
▸Humic Acid: 15 to 30 ग्रॅम

एका एकरासाठी प्रमाण (200 लीटर पाण्यासाठी):
▸Roko: 250 to 300 ग्रॅम
▸Actara: 100 ग्रॅम
▸Humic Acid: 400 to 500 ग्रॅम